ԳՐԱԿԱՆՈՒԹՅԱՆ ՈՒ ԱՐՎԵՍՏԻ ՍԻՐԱՀԱՐ ՔՎԱՆՏԱԿԱՆՆԵՐԸ...
15.11.2021
Անհատի ձևավորման ու զարգացման գործում «Քվանտ» վարժարանում մեծապես կարևորում են գրականության դերը։ Դրա վառ վկայությունը հայ գրականության վառ ու ինքնատիպ տարբեր ներկայացուցիչների տուն-թանգարաններ այցելությունն է։ Հայ գրականության խոշորագույն դեմքերից մեկը՝ հայ գրականության նորագույն շրջանի հիմնադիր Եղիշե Չարենցը, իր գործունեությամբ ու ստեղծագործական բացառիկ գործունեությամբ մշտապես եղել է քվանտականների ուշադրության կենտրոնում։
Լեգենդ Չարենցի հետ կապված իրականությունը բացահայտելու և չարենցյան թեման ամփոփելու նպատակով հոկտեմբերի 5-ին 7-4 դասարանը դասղեկի` Փ․ Դավթյանի ուղեկցությամբ այցելեց Չարենցի տուն-թանգարան:
Քվանտականների համար ուշագրավ էր այն, որ տուն-թանգարանին, Չարենցի կյանքի հետաքրքիր մանրամասներին ծանոթացնում էր հենց բանաստեղծի թոռնուհին՝ Գոհարը։ Երեխաները մի առանձնահատուկ ուշադրությամբ ու ակնածանքով հասու եղան չարենցյան պոեզիային, տեսան, թե ինչպիսի պայմաններում է ապրել և ստեղծագործել մեծն Չարենցը, տեսան նրա իրերը, բանտից գրած բանաստեղծությունների պատառիկները, որ փրկվել և հասել են մինչև մեր օրեր:
Աննկուն հայորդու, ըմբոստ հոգու տեր Չարենցի մասին մտքերով էլ քվանտականները հրաժեշտ տվեցին տուն-թանգարանի հյուրընկալ աշխատակիցներին ու էքսկուրսավարին:
