Քվանտականները` ՏՏ ոլորտում ՀՀ Նախագահի մրցանակակիրներ
26.10.2017
ՀՀ Նախագահի նստավայրում այսօր տեղի ունեցավ տեղեկատվական տեխնոլոգիաների (ՏՏ) ոլորտում ՀՀ Նախագահի 2017թ. կրթական պարգևների հանձնման հանդիսավոր արարողությունը, որի ժամանակ Նախագահը մրցանակակիրներին հանձնեց տարբեր անվանակարգերում նրանց շնորհված պարգևները: Այս տարի ՀՀ Նախագահի ամենամյա կրթական պարգևին արժանացել են 26 ուսանող և 17 աշակերտ 6 բուհից և 8 ավագ դպրոցից:
Ինչպես ամեն տարի, այս տարի ևս քվանտականները մրցույթում աչքի ընկան իրենց գիտելիքներով. վարժարանի 11-րդ դասարանի աշակերտուհի Աննա Մոսոյանը և 2016-2017 ուստարվա շրջանավարտ Համլետ Միքաելյանը հաղթող ճանաչվեցին մրցույթի «Լավագույն աշակերտ» անվանակարգում, իսկ 2013-2014 ուստարվա շրջանավարտ Արմեն Զաքարյանն արժանացավ «Լավագույն բակալավր» անվանակարգի մրցանակին:
Շնորհավորում ենք մեր սաներին՝ մաղթելով շարունակական հաղթանակներ:
